O‘tgan yili AQSh armiyasi tomonidan chiqarilgan “Rossiyaning yangi avlod harbiy ishi bo‘yicha qo‘llanma” Qo‘shma Shtatlar davlat siyosatiga taalluqli emas. Bu haqda Pentagon vakili Adrian Renkin-Gellouey ma’lum qildi, deya xabar beradi “Kommersant”.
“Mudofaa vazirligi va harbiy xizmatlar qoshida harbiy kollejlar, tadqiqot va tahliliy markazlar, shuningdek, yangi g‘oyalarni ishlab chiqadigan hamda milliy xavfsizlik va mudofaaga aloqador masalalarni o‘rganish bilan shug‘ullanadigan boshqa tizimlar bor. Ular mavjud bazani to‘ldirishga intilib tez-tez maqolalar chop etadi, biroq hukumatning rasmiy siyosatini ifoda etmaydi. Gap ketayotgan ma’lumotnoma ham shunday ishlardan biri”, — ta’kidladi Renkin-Gellouey.
Risola o‘quv qo‘llanmasi ekanligi va AQShning amaldagi doktrinasi bo‘lishga da’vo qilmasligi hujjatning o‘zida ham bildirilgan. Shu tariqa, uning joriy ko‘rsatmalar yoki o‘rnatilgan standartlarning o‘rnini bosishi ko‘zda tutilmagan.
Ma’lumot uchun, mazkur qo‘llanmada Rossiya zamonaviy mojarolarda foydalanishi mumkin bo‘lgan qurol-aslaha fotolari chop etilgan. Shuningdek, Rossiya armiyasining eng zaif nuqtalari ko‘rsatib o‘tilgan.
Izoh (0)