Agar kelgusi ish haftasi to‘g‘risidagi o‘y sizda sarosima va qayg‘u uyg‘otsa, unda nimanidir o‘zgartirishning ayni vaqti. Muammo hamkasblaringizda ham va kompaniyada ham emas. Odatda hamma gap o‘zimizda bo‘ladi.

Foto: Depositphotos

1.Sizning ishingiz hech qanday foyda keltirmaydi

Foydali ish — bu sizni va boshqalarni oldinga harakatlantiruvchi og‘ir mehnat. Kun bo‘yi ofisda o‘tirib hech qanday foydali ish qilmaslik mumkin. Ikki soatlik unumli ish esa katta foyda keltirishi mumkin.

Hamma ham jasur g‘oyalarni hayotga tatbiq qilishga qodir bo‘lavermaydi. Stereotip chiziqlaridan chiqib ketishdan qo‘rqmang. Qo‘rquv sizga mansab pillapoyalaridan ko‘tarilishga va o‘zingiz orzu qilgan martabaga erishishga to‘sqinlik qiladi.

2. Boshqa odamlar bilan aloqalar o‘rnatish o‘rniga, siz uyda o‘tirasiz

Aloqalar tufayli siz juda ko‘p narsalarga erishishingiz mumkin. Ishga doir aloqalarni o‘rnatish va saqlab turish juda ko‘p vaqt va kuch talab qiladi.

Ishsiz o‘tirmang. Odamlar bilan ko‘proq muomala qiling, jamoat tadbirlarida qatnashing, ishingizga bog‘liq bo‘lgan seminarlarda ishtirok eting.

3. Siz yetarlicha tirishqoqlik bilan ishlamaysiz

Bu holda siz ijobiy natijalarga erisha olmaysiz. Natijalarning yo‘qligi esa o‘z ishidan qoniqmaslikka olib keladi.

4. Siz mashhur emassiz

Odamlar uchun siz bilan muloqot qilish qulay bo‘lishi kerak. Ular siz bilan hamkorlik qilishni xohlashlari kerak. G‘amgin va hamma narsadan norozi hamkasblarni hech kim yaxshi ko‘rmaydi. Dilkash, ochiq va samimiy bo‘ling.

5. Siz hammasiga va birdan ega bo‘lishni xohlaysiz

Hammasiga va birdan erishib bo‘lmaydi. Tirishqoq va sabrli bo‘ling.

6. Siz o‘z saviyangizni oshirish bilan shug‘ullanmaysiz

O‘z saviyasini o‘stirish doimiylikni talab qiladi. Siz doimiy ravishda foydali odatlar va mahoratlaringizni shakllantirish va rivojlantirish bilan shug‘ullanishingiz kerak.

Har kuni o‘z oldingizga martabangizni o‘stirishga yordam beruvchi kichikroq maqsad qo‘ying. Biroz vaqt o‘tgandan keyin, siz natijalarini ko‘rasiz va o‘zingizdan g‘ururlana olasiz.

Manba: Trendymen