KXDR Oliy xalq yig‘ini xalqaro ishlar qo‘mitasi boshqa mamlakatlar parlamentlarini “dunyoga dahshatli yadro falokatini yog‘dirishga urinayotgan Donald Tramp ma’muriyati harakatlarini sergaklik bilan kuzatish”ga chaqirdi. Yig‘in ochiq xati matni mamlakatning markaziy “Nodon sinmun” nashrida e’lon qilindi, deya xabar beradi “TASS”.
Maktubda Vashington BMT nizomiga zid ravishda “koreys xalqining yashash va iqtisodiy rivojlanishga bo‘lgan huquqini poymol qiluvchi sanksiyalar haqidagi noqonuniy rezolyutsiyani to‘qib chiqargani” bildiriladi.
Qo‘mita Trampning “telbalarcha fikrlari”ni keskin qoraladi va ularni “koreys xalqini kechirib bo‘lmas darajada haqoratlash va KXDRga qarshi urush e’lon qilish” deb baholadi.
“Tramp KXDR kabi yadroviy davlatni harbiy tahdid yordamida tiz cho‘ktirishga umid qilayotgan bo‘lsa, qattiq adashadi va nodonligini namoyish etayotgan bo‘ladi”, — deyiladi maktubda.
Izoh (0)