Janubiy Koreya “siyosiy vaziyatdan mustaqil ravishda” KXDR fuqarolarini qo‘llab-quvvatlash maqsadida sakkiz million dollar miqdorida gumanitar yordam ajratadi. Bu haqda “Korrespondent.net” xabar bermoqda.
Janubiy Koreya hukumati BMT missiyasi orqali KXDRdagi “jiddiy gumanitar yetishmovchilik tahdid solayotgan” yosh bolalar va homilador ayollarni qo‘llab-quvvatlash uchun mablag‘ jo‘natadi.
2015-yilning dekabr oyidan beri Janubiy Koreyadan ilk gumanitar yordam BMT orqali KXDRga yetkaziladi.
“Hukumat ikki davlat o‘rtasidagi hozirgi siyosiy vaziyatni hisobga olgan holda gumanitar yordam ko‘lami va muddatini aniqlaydi”, — deyiladi xabarda.
Birlashgan millatlar tashkilotining ma’lumotlariga ko‘ra, KXDR aholisining 72 foizi, xususan 1,3 million nafar besh yoshgacha bo‘lgan bolalar va homilador ayollar to‘yib ovqatlanmaslikdan aziyat chekadi.
Izoh (0)