Tesla kompaniyasi “Shimoliy Amerikaning yil yengil avtomobili va yo‘ltanlamasi” tanlovida yangi Model 3 bilan ishtirok etishdan bosh tortdi. Bu haqda “Motor” xabar bermoqda.
The Detroit News nashriga ko‘ra, kompaniya Model 3 ishlab chiqarish hajmini oshirishga e’tibor qaratgani, ehtiyoj kattaligi sababli hozircha bo‘sh avtomobillar yo‘qligini ro‘kach qilib, hakamlar hay’atiga sinovdan o‘tkazish uchun mashina taqdim etishdan bosh tortdi.
Tesla sinov uchun ilk turkumdagi Model 3 mashinalarini bermay, ularni avval maromiga yetkazish rejalashtirgan ko‘rinadi. Nomzodlar orasida kompaniyaning boshqa modellari yo‘q.
Shu tariqa, ekomobillar orasida tanlovga nomzodlardan faqat biryo‘la uch modifikatsiyada taklif etilayotgan Hyundai Ioniq qoldi.
Izoh (0)