Qirg‘iziston bosh vaziri Safar Isoqov Gollivud aktyori Stiven Sigalga Qirg‘iziston Respublikasi fuqarosi bo‘lishni taklif etdi, deb yozadi “Nuz.uz”. Bunday taklifni u Bishkekda vazirlar mahkamasining aktyor bilan uchrashuvi chog‘ida aytib o‘tdi.
Isoqov Butunjahon ko‘chmanchilar o‘yinlaridan keyin Qirg‘izistonga keluvchi sayyohlar ikki baravar ko‘payganini ta’kidladi. O‘z navbatida, Stiven Sigal Bishkekka Mo‘g‘uliston poytaxti Ulan-Batordan uchib kelganini aytdi. Shuningdek, u o‘zi tashrif buyurgan Ko‘chmanchilar o‘yinlari hayratlanarli hodisa bo‘lganini qayd etdi.
“O‘zimni xuddi uydagidek his qildim. Aslida hozir sizning mamlakatingiz uchun nima qila olishim mumkinligini o‘rganyapman. Mamlakatingizni shu darajada yaxshi ko‘raman”, — dedi aktyor.
Nashr eslatishicha, Stiven Sigal Butunjahon ko‘chmanchilar o‘yinlarining yaxshi niyat elchisi hisoblanadi. 2016-yilda u O‘yinlarning ochilishida qatnashgan.
Izoh (0)