AQShda Hillari Klintonning soch tolalari uchun 5 ming dollar va’da qilgan millioner qamoqqa olindi

Amerikalik millioner Martin Shkreli Facebook’da qoldirgan yozuvi tufayli qamoqqa olindi. Bu haqda Forum Daily xabar bermoqda.

Sud moliyaviy qalloblikda ayblanayotgan Shkrellini 5 million dollar garov puli evaziga ozod qilinish shartini buzgan deb topdi. U Facebook’dagi yozuvida Hillari Klintonning soch tolalarini keltirishni so‘ragan va buning uchun 5 ming dollar va’da qilgandi.

Bruklin sudi mazkur xabarni jamiyat uchun xavfli deb topdi. Maxfiy xizmat sobiq birinchi xonim va prezidentlikka nomzodni qo‘riqlashni kuchaytirishiga to‘g‘ri keldi.

Shkrelli xabarni “hazil” deb atadi, kechirim so‘radi va sahifasidan olib tashladi. Biroq bu sudyalar uchun yetarli bo‘lmadi va eshituvlar yakunlanganidan so‘ng millioner qamoqqa olindi.