66 yoshli erkak birinchi marta olamni bor ranglarda ko‘ra oldi (video)

Tug‘ilganidan buyon daltonizm (ba’zi rang-tuslarni farq qila olmaslik kasalligi)dan azob chekuvchi 66 yoshli amerikalik Uilyam Rid birinchi marta olamni bor ranglarda ko‘rishga muvaffaq bo‘ldi, deb yozadi TJournal.

Erkakning tug‘ilgan kuniga oilasi ranglarni ajratish imkonini beruvchi linzalari bo‘lgan EnChroma ko‘zoynagini sovg‘a qildi.

Hadyani bir nechta quti va paketlarga o‘rab berishdi. Rid ko‘zoynakni taqib ko‘rgach, hislarini yashira olmasdan, yig‘lab yubordi.