Petropavlovsk-Kamchatsk aeroport kompleksi vulqon krateri shaklida quriladi. Bu haqda aeroport qurilishi tanlovida g‘olib chiqqan “Mintaqalar aeroportlari” xoldingi rahbari Yevgeniy Chudnovskiy ma’lum qildi, deya xabar beradi “RIA Novosti”.
“Kompleks nafaqat terminal, balki mehmonxona, biznes-markaz va savdo markazidan ham iborat bo‘ladi. U vulqon og‘zi shaklida quriladi, taxminan 35 ming kvadrat metr maydonni egallaydi”, — ta’kidladi Chudnovskiy.
Qurilishni 2021-yilda yakunlash rejalashtirilgan, investitsiyalar hajmi 8 milliard rublni tashkil etadi. Yangi kompleks yo‘lovchi oqimini million kishigacha ko‘paytirish imkonini beradi.
Izoh (0)