“Yuventus” futbol klubi prezidenti Andrea Anyelli 2,5 yilga futboldan chetlatilishi mumkin. Bu haqda “Chempionat” Football Italia nashriga asoslanib xabar berdi.
Turin klubi prezidenti chiptalar savdosi bilan bog‘liq firibgarlikda ayblanmoqda. Mamlakat prokuraturasi Andrea Anyellini chiptalar sotuvidagi qonunbuzarlik hamda ularning olibsotarlar qo‘liga chiqib ketishida aybdor hisoblaydi.
Shundan kelib chiqib, prokuratura “Yuventus” prezidenti nafaqat 2,5 yil futboldan chetda bo‘lishi kerak, deb hisoblaydi, balki 50 ming yevro miqdorida jarima ham to‘lashini shart deb biladi. “Yuventus”ning o‘zi esa 300 ming yevro jarima va 2 ta bellashuvni muxlislarsiz stadionda o‘tkazishga tayyorlanishi kerak bo‘ladi.
“Yuventus” advokati Franko Koppining aytishicha, ayblov Andrea Anyellining bo‘ynidan olib tashlanadi. Advokat o‘z tomonini to‘liq oqlay olishiga ishonmoqda.
O‘zbekiston milliy terma jamoasi ishtirokidagi o‘yinlar uchun chiqarilgan chiptalar olibsotarlar qo‘lida paydo bo‘lgan holatlar bir necha bor kuzatilganiga qaramay, bu ishda ishtirok etganlarga nisbatan hozircha chora ko‘rilmagan.
Izoh (0)