Venesuela bosh prokurori Tarek Vilyam Saab mamlakatda boshlangan aksilkorrupsiyaviy tekshiruvlar tufayli unga tahdid qilinganini bildirdi. Bu haqda “Gazeta.ru” xabar bermoqda.
“Televizion dasturlardan birining efiridan chiqqanimdan so‘ng menga qo‘ng‘iroq bo‘ldi. ‘Faja atrofidagi tekshiruvlarni davom ettiraversang itdek o‘lib ketasan’, deya biroz qo‘pollik qilishdi. Ular kimga qo‘ng‘iroq qilganini bilmaydigan ko‘rinadi”, — dedi prokuror.
Prokurorga ko‘ra, mamlakatdagi yirik Faja neft konidagi qazish ishlariga 2010—2017-yillarda 41 mingdan ortiq shartnoma imzolangan. Ulardan 10 tasida 200 million dollarga teng o‘marish holatlari aniqlandi.
Izoh (0)