2017-yilning 15-sentabr kuni O‘zbekiston Respublikasi Tashqi ishlar vaziri Abdulaziz Komilov Ispaniya Qirolligining yangi tayinlangan Favqulodda va muxtor elchisi Ignasio Ibanyes Rubioni qabul qildi, deb xabar beradi TIV matbuot xizmati.
Elchi O‘zbekiston Respublikasi Prezidenti nomiga yo‘llangan ishonch yorliqlarini topshirdi.
Suhbat davomida O‘zbekiston—Ispaniya o‘rtasidagi muloqotlarning hozirgi holati va yanada rivojlantirish istiqbollari muhokama qilindi.
2017-yilning 9-iyun kuni O‘zbekiston Respublikasi Prezidenti Shavkat Mirziyoyev va Ispaniya Qiroli Filip VI ning Ostonadagi uchrashuvi samarali va o‘zaro manfaatli ikki tomonlama hamkorlikni yanada rivojlantirish uchun yangi bosqichga aylanishi va ikki mamlakat o‘rtasidagi aloqalarni faollashtirishiga ishonch bildirildi.
Uchrashuv chog‘ida tomonlarni qiziqtirgan boshqa masalalar ham muhokama qilindi.
Izoh (0)