Sherzodxon Qudratxo‘jayev: 15-sentabrdan boshlab Xalqaro press klub qaytadan jonli efirda uzatiladi

“Daryo” muxbiri Xalqaro press klub raisi Sherzodxon Qudratxo‘jayev bilan bog‘lanib jonli efir yuzasidan yurgan gap-so‘zlarga oydinlik kiritdi.

“15-sentabrdan boshlab Xalqaro press klubning sessiyalari qaytadan jonli efirda uzatiladi. Ertaga MTRK Media-markazida soat 11:00 da O‘zbekiston Respublikasi Prezidenti huzuridagi Tadbirkorlarning huquqlarini himoya qilish vakillari bilan navbatdagi sessiya bo‘lib o‘tadi”, — dedi Sherzodxon Qudratxo‘jayev.

Avvalroq, Xalqaro press klub raisi Sherzodxon Qudratxo‘jayev “Daryo” internet-nashriga bergan intervyusida “to‘g‘ridan to‘g‘ri efirga chiqish texnik sabablarga ko‘ra vaqtincha to‘xtatilgani”ni ma’lum qilgandi.