5-sentabrdan boshlab jismoniy shaxslar—O‘zbekiston rezidentlari uchun valyuta ayriboshlash shoxobchalarida valyutani erkin sotish va tijorat banklarining konversion bo‘limlarida xalqaro to‘lov kartasiga tushirish yo‘li bilan valyuta sotib olish tizimini ishga tushirdi. O‘zbekiston Respublikasi Markaziy banki raisining birinchi o‘rinbosari Timur Ishmetovning OAV xodimlari uchun tashkil etilgan brifingda ma’lum qilishicha, 5—14-sentabr kunlari fuqarolar 200 million dollar miqdoridagi xorijiy valyutani valyuta ayriboshlash shoxobchalariga topshirgan.
“Valyuta ayirboshlash shoxobchalarida valyutani erkin sotish va sotib olish tizimi ishga tushgan sanadan bugunga qadar ya’ni salkam 10 kun ichida jismoniy va yuridik shaxslar 200 million dollardan ortiq valyutani sotgan. O‘z navbatida banklar tomonidan 100 million dollardan ortiq mablag‘ jismoniy va yuridik shaxslar tomonidan sotib olingan. Ayni vaqtda valyutani sotish ehtiyoji uni sotib olish talabidan yuqori. Biroq, valyutani sotib olish talabi ham sekin-asta ortmoqda”, — deydi Markaziy bank raisining birinchi o‘rinbosari.
Izoh (0)