Ish kuni unumli o‘tishi uchun tushlikdan keyin nima bilan shug‘ullanish kerak?

Kun davomida quvvat va ishchanlik ruhi yo‘qolishi mumkin. Buning oldini olish maqsadida tushlikdan keyin nimalar qilish kerakligi haqida siz uchun ba’zi maslahatlarni to‘pladik.

Harakat qiling

Agar siz o‘tirib ishlasangiz, joyingizdan turing. Tashqariga chiqib biroz sayr qiling. Toza havo sizga kuch bag‘ishlaydi. Agar ofisdan chiqib ketolmasangiz, mashqlar bajaring yoki ofis bo‘ylab yuring.

Yengilroq vazifalarni bajaring

Balki ko‘pchilikda unchalik kuch talab qilinmaydigan ishlar bo‘lishi mumkin, masalan elektron xatlarni jo‘natish. Bunday vazifalarni agar ular shoshilinch bo‘lmasa, tushlikdan keyingi vaqtga qoldiring. Shunda siz, bu ishlarni biror yoqimli musiqa ostida bajarish davomida dam olasiz.

Qiyin ishlarga faqat 5 daqiqa ajrating

Agar siz jiddiy loyihani tugatishingiz kerak bo‘lsa, unga faqat 5 daqiqagina ajrating. Vaqtni belgilaydigan taymer o‘rnating. Agar siz uning qiyinligidan qo‘rqayotgan bo‘lsangiz, bunday usul ishga tezroq kirishishga yordam beradi. Bu 5 daqiqa davomida ulgurganingizcha bajaring. Agar kuchingizga kuch qo‘shilganini sezsangiz, unda davom ettiring.

Xato va kamchiliklarni to‘g‘rilang

Ko‘pchiligimizda, o‘zimizga juda muhim bo‘lib ko‘ringan ish lahzalari bo‘ladi. Masalan, taqdimotga rejadan tashqari, o‘zimizga yoqsa ham boshqalarning jig‘iga tegadigan boshqacha, lekin ortiqcha bo‘lgan biron-bir tadbir qo‘shish. Ish kunining oxirida, biroz bo‘shaganingizdan so‘ng bu o‘zgarishlarni tanqidiy ko‘z bilan qarab chiqishingiz mumkin. Balki siz ularning umuman ortiqcha ekanligini tushunarsiz.

Ertangi kunni rejalashtiring

Ish kuningizning oxirgi soatini shunga bag‘ishlang. Qilinadigan ishlarni muhimligiga qarab joylashtiring. Ertalab bajarish kerak bo‘lgan vazifalarni aniqlab oling. Hech narsani unutmaslik uchun o‘zingizga eslatma tayyorlang.

Manba: Weekend Rambler