Buyumlarni kiyim javonida saqlashni qanday yo‘lga qo‘yish kerak? 5 ta qoida

Har mavsumda siz kiyimlaringizning kamida yarmini o‘z shaklini yo‘qotgani uchun almashtirishga majbur bo‘lyapsizmi? Kiyim shkafidagi joylardan to‘g‘ri foydalanayotganingizni tekshirib ko‘ring. Bunda sizga biz to‘plagan ba’zi maslahatlar yordam beradi.

Kiyim osgichlarni to‘g‘ri tanlang

Ipak ko‘ylagingizga keng yog‘och kiyimosgich mos keladimi yoki yo‘qmi deb hech o‘ylab ko‘rganmisiz? Unutmang: yaxshisi porolon yoki yumshoq mato o‘ralgan kiyim osgichlardan foydalaning. Va o‘lchamini to‘g‘ri tanlang: kiyim osgichni yelkangizga o‘lchab ko‘ring va yengiga xalaqit bermayotganiga ishonch hosil qiling.

Oyoq kiyimlarni maxsus qutilarda saqlang

Oyoq kiyimlarni o‘zining do‘kondan olib kelingan qutilarida saqlamang. Karton qog‘oz deyarli havo o‘tkazmaydi, shuning uchun noxush hidlarni to‘playdi. Havo aylanishi uchun teshikchalar qo‘yilgan maxsus plastik idishlar sotib oling yoki daraxt shoxlaridan to‘qilgan tabiiy materiallarni tanlang. Qaysi poyabzal qayerda turganini esdan chiqarmaslik uchun quti ustiga rasmi tushirilgan qog‘ozcha yopishtirib qo‘ying.

Buyumlarni rangiga qarab joylashtiring

Yaxshisi buyumlarni rangiga va materialiga qarab joylashtirish qoidasiga amal qiling. Ipak kiyimni akril va poliester bilan birga, qizil sviterni esa oqish rangli shim va toplar bilan bir joyga qo‘ymang. Kiyim qavatlari orasiga oddiy pergament qog‘ozi qo‘yish mumkin, u uncha ko‘p joy olmaydi, kiyimlar esa g‘ijim bo‘lmaydi va rangi ham bir-biriga o‘tib qolmaydi.

Maxsus qutilar va idishlar oling

Kiyim-kechaklar haqida unutmang! Sumkalar uchun maxsus qutilar va bosh kiyimlari uchun tagliklar oling. Shunda shlyapalar o‘z shaklini saqlab qoladi, sumkalar esa boshqa narsalarga ishqalanmaydi, bu uning chekkalari yeyilishidan ancha himoya qiladi.

Manba: “Passion.ru”