AQSh prezidenti Donald Tramp to‘qqizinchi marta bobo bo‘ldi. Bu haqda uning o‘g‘li Erik Twitter’dagi sahifasida ma’lum qildi.

Foto: Reuters

“Men va Lara Tramp bizning o‘g‘limiz Erik Lyuk Trampning tug‘ilgani haqidagi xabarni ma’lum qilishdan baxtiyormiz”, — deb yozadi Erik Tramp.

Prezident Donald Tramp ham ijtimoiy tarmoqlar orqali o‘g‘lini tabrikladi. Uning posti ostiga yozilgan izohlarda ayrim internet foydalanuvchilari Trampga prezidentlik lavozimini tark etib, ko‘proq vaqtini nabirasiga ajratishni taklif qilgan.