Xiaomi Mi Mix 2 smartfonining taqdimoti vaqtida kompaniya Samsung va va Apple’ga nisbatan hazil qildi. Bunga Twitter’dagi TechReels taxallusli foydalanuvchi e’tibor qaratdi.
Taqdimot slaydlaridan birida kompaniya foydalanuvchilar yuzi shaklidagi smartfonlarni ko‘rsatgan. Ko‘rsatilgan odamlar suratidagi sochlar va soqol displey atrofidagi ramkaga ishora qiladi. Bu orqali kompaniya uning yangi smartfonida deyarli ramkalar yo‘qligini ko‘rsatishga uringan.
Dastlabki ma’lumotlarga ko‘ra, 12-sentabrda taqdimoti bo‘lib o‘tadigan iPhone 8 smartfoni 5,8 dyumli OLED displeyiga ega. Displey telefonning old panelini deyarli to‘liq egallaydi. Shuningdek, unda Touch ID o‘rniga yuzni skaner qiluvchi Face ID o‘rnatilgan.
Izoh (0)