O‘zbekiston Prezidenti Shavkat Mirziyoyev Qozog‘iston prezidenti Nursulton Nazarboyevning taklifiga binoan 9-sentabr kuni Ostona shahriga jo‘nab ketdi. Bu haqda O‘zA xabar bermoqda.
O‘zbekiston Prezidenti Ostonada Islom hamkorlik tashkilotining Fan va texnologiyalar bo‘yicha birinchi sammitida ishtirok etadi.
Shavkat Mirziyoyev tashrif doirasida Ostona shahrida EKSPO—2017 xalqaro ixtisoslashgan ko‘rgazmasining rasmiy yopilish marosimida ishtirok etishi hamda xorijiy delegatsiyalar rahbarlari bilan ikki tomonlama uchrashuvlar o‘tkazishi rejalashtirilgan.