BMT Koreya yarim orolini yadro qurolidan xoli hududga aylantirish bo‘yicha muzokaralar tiklanishi tarafdori. Bu haqda mazkur masalaning Xavfsizlik kengashida ko‘rilishiga izoh bergan xalqaro tashkilot bosh kotibining rasmiy vakili Stefan Dyujarrik ma’lum qildi, deya xabar beradi “TASS”.
“Biz Shimoliy Koreya xalqi aziyat chekishini istamaymiz. Yuzaga kelgan vaziyatni hal etishning eng yaxshi yo‘li Koreya yarim orolini yadro qurolidan xoli hududga aylantirish bo‘yicha muzokaralar va diplomatiya”, — ta’kidladi Dyujarrik.
Bosh kotibning rasmiy vakiliga ko‘ra, Xavfsizlik kengashi a’zolari KXDRga qarshi sanksiyalarni kuchaytirish bo‘yicha rezolyutsiya loyihasini muhokama etishni boshladi.