10 yildan beri, ya’ni birinchi iPhone chiqarilganidan buyon Apple kompaniyasi 1,2 milliard dona smartfon sotgan. Bu haqda Strategy Analytics tahliliy kopmaniyasi ma’lumotlariga asoslanib, “Gazeta.ru” xabar berdi.
Shuningdek, ma’lum qilinishicha, smartfonlarni sotishdan ko‘rilgan umumiy daromad 760 milliard dollarni tashkil etadi. 2018-yil oxiriga qadar kompaniyaning iPhone’lardan ko‘rgan daromadi 1 trillion dollarga yetishi kutilmoqda.
Qayd etilishicha, Apple 1 trillion dollar daromad ko‘rgan dunyodagi birinchi smartfon kompaniyasiga aylanadi.