Suriya qo‘shinlari Dayr-az-Zorni ozod qilish operatsiyasi chog‘ida IShIDning yirik istehkomli tumanini ishg‘ol qildi, u Rossiya va MDHdan kelgan jangarilar tomonidan egallab turilganligini tasdiqlovchi dalillar topildi, deb yozadi “RIA Novosti” Rossiya mudofaa vazirligiga tayanib.
Terrorchilar uzoq muddatli qamalga tayyorlangan — yer ostida qurilgan turar-joy xonalari, qurol-yarog‘ va o‘q-dori omborlari, oziq-ovqat va dori-darmonlar zaxiralari bu haqda guvohlik bergan.
Istehkomli tuman hududida “jihodmobil”larni ishlab chiqarish, og‘ir zirhli texnikani ta’mirlash va o‘ta yomon yo‘llarda ham yura oladigan mashinalarni katta kalibrli pulemyotlar va zenitli moslamalar bilan jihozlash bo‘yicha ustaxona ishlagan.
Bundan tashqari, tayanch punktiga olib boradigan yo‘llarning barchasi, shuningdek, uning hududidagi barcha inshootlarga terrorchilar tomonidan mina qo‘yib chiqilgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)