O‘zbekiston Prezidenti Shavkat Mirziyoyevning 4-sentabrdagi farmoniga muvofiq, Po‘lat Bobojonov O‘zbekiston ichki ishlar vaziri etib tayinlandi. Bu haqda “Gazeta.uz” xabar bermoqda.
1961-yilda tug‘ilgan Po‘lat Bobojonov 2012-yildan beri Xorazm viloyatiga hokimlik qilib kelayotgan edi. Bungacha Xorazm viloyati hokimining birinchi o‘rinbosari, Buxoro viloyati prokurori lavozimlarida ishlagan. 2006—2011-yillarda Jizzax viloyati prokurori bo‘lgan.
Po‘lat Bobojonov IIV rahbari lavozimida Abdusalom Azizovni almashtirdi. Azizov 2017-yil yanvarida ichki ishlar vaziri etib tayinlangan edi.
Izoh (0)