Amerikalik milliarder Jorj Sorosni terrorchi sifatida tan olish to‘g‘risidagi petitsiya Oq uy tomonidan ko‘rib chiqilishi uchun yetarli bo‘lgan 100 ming imzoni to‘pladi. Petitsiya matni Oq uyning onlayn-platformasida e’lon qilindi, deb xabar berdi “Gazeta.ru”.
Petitsiya mualliflarining ta’kidlashicha, Soros “vaziyatni beqarorlashtirishga hamda AQSh va uning fuqarolari manfaatlariga qarshi harakat qilgan”.
Shuningdek, Soros Demokratik partiya va AQSh federal hukumatiga nosog‘lom ta’sir o‘tkazishda ayblanmoqda. Shu munosabat bilan petitsiya mualliflari milliarderni uy terrorchisi sifatida tan olinishini taklif qilmoqda.
Hozircha Oq uy petitsiya borasida hech qanday izoh bermadi.
Izoh (0)