O‘zbekistonda, “Xavfsiz shahar” loyihasi doirasida, “112” favqulodda yordam xizmati raqamini joriy etilishi mumkin. Bu masala AKT vazirligining kengaytirilgan yig‘ilishida muhokama etildi, deb xabar berdi “Kommersant.uz”.
Bugungi kunda ko‘plab mamlakatlarda umumiy foydalanish uchun aloqa tarmoqlari – xavfsizlik xizmati raqamlari keng qo‘llanilmoqda. Ushbu raqamlar orqali qo‘ng‘iroq qiluvchi yagona qutqaruv xizmatiga tushadi, ular, o‘z navbatida, jabrlanuvchilarga tezda mahalliy qutqaruv xizmatlariga ulanish va yordam olishga ko‘maklashadi.
Jahon tendensiyasini inobatga olgan holda, O‘zbekiston ham shu kabi yangilikni joriy etmoqchi. Yagona raqam orqali har qaysi yordam xizmatiga ulanish juda qulay choradir. Barcha murojaatlar xabarlarni qabul qiluvchi yagona markazga kelib tushadi, so‘ng tegishli vakolatli tuzilmalarga yetkazilib, ularning ijrosi ta’minlanadi.
Uchrashuv davomida AKT vazirligi, O‘zbekistonning IIV idoralari va boshqa mas’ul tuzilmalarga “Xavfsiz shahar” loyihasini tezkorlik bilan amalga oshirish uchun zarur choralarni amalga oshirish tayinlandi.
Umuman olganda, tizim xavfsizlikni ta’minlash, jamoatchilik orasida tartibni nazorat qilish, ma’lum hududda monitoring olib borish, murojaat va favqulodda vaziyatlarga zudlik bilan e’tibor qaratish va ularni hal etishga yordam beradi.
Hozircha yagona raqamning joriy etilishi rasmiy ravishda tasdiqlanmagan. Biroq jahon tajribasi, shu kabi raqamlar tufayli xavfsizlik sohasida erishilayotgan yutuqlar bunga turtki bo‘lishi hech gap emas. Ayni vaqtda respublikada “01”, “02”, “03” va boshqa raqamlar omma orasida keng tarqalgan. Qayd etish lozim, aksariyat mamlakatlarda fuqaro “112” raqamiga mobil telefonida mablag‘ bo‘lmagan, SIM-kartasi yo‘q bo‘lgan, hattoki blokirovka holatida ham qo‘ng‘iroq qilishi mumkin.
Bugungi kunda 112 raqami — aksariyat davlatlarda favqulodda holatlarda teriladigan asosiy raqamdir. Ushbu raqam 1991-yilning 29-iyulida Shvetsiya tashabbusi va Yevropa Ittifoqining qaroriga ko‘ra qabul qilingan.
Izoh (0)