LG o‘yin monitorlari kadrlarni yangilovchi yuqori chastota va ko‘plab qo‘shimcha funksiyalar sabab o‘zining bozordagi pozitsiyalarini sezilarli darajada kuchaytiradi.
Kelgusi haftada Berlinda bo‘lib o‘tadigan IFA 2017 ko‘rgazmasida LG Electronics (LG) kompaniyasi ikki yangi o'yin monitorini namoyish etadi. Bu monitorlar zamonaviy geymerlarning o‘sib borayotgan ehtiyojlarini qondira oladi va ularga imkon doirasida o‘yindan eng yaxshi taassurotlarni taqdim etadi. LG’ning so‘nggi GK seriyali 32 va 27 dyuymli monitorlari dinamik o‘yinlar muxlislari uchun nafaqat qiziqarli kontentni ko‘rishni taklif qila oladi, balki professional o‘yinchilarga g‘alaba uchun zarur shart-sharoitlar yaratadi.
LG’ning GK seriyali monitorlari so‘nggi texnologik yutuqlar asosida yaratilgan bo‘lib, u kadrlarni yangilashning 114 va 240 Gts darajasidagi yuqori chastotasi bilan maqtanishi mumkin. Yangi 32 dyuymli LG monitori (model 32GK850G) — yuqori sifatli ekran va hatto yuqori tezlikdagi geympleyda ham kartinani muammosiz o‘zgartirish imkoniga ega bo‘lishni istaganlar uchun mukammal tanlov. LG 32GK850G modelining yuqori chastotali kadrlar yangilanishi animatsiya grafikalarining mislsiz uyg‘unligini ta’minlaydi, undagi barcha o‘yinchilar ko‘nglidan joy olgan grafik obyektlarni qayta ishlovchi NVIDIAG-SyncTM texnologiyasi esa hatto ekrandagi maksimal intensivlikda ham kartinaning uzilishlardan deyarli butkul xalos bo‘lish imkonini beradi. Bu monitor har qanday janrdagi o‘yinlarga juda yaxshi to‘g‘ri keladi, u QHD (2 560 x 1440) formatdagi ekranda 350 nt maksimal yorug‘likda kadrlar almashuvi silliq kechishi va qoldiq tasvirlarning umuman yo‘qligi bilan maqtana oladi.
Bundan tashqari, yangi 32 dyuymli monitor Sphere Lighting monitor tufayli foydalanuvchining o‘yindan taassurot olishini maksimal darajada kuchaytiradi. U yumshoq fon nurlari bilan ta’minlab, ko‘zlarning charchog‘ini kamaytiradi va monitor dizaynini samarali to‘ldiradi. Noyob xususiyatlar ro‘yxatida, shuningdek, Black Stabilizer ham namoyish etilgan, u tasvirning eng to‘q detallarini ham ko‘rishga imkon berib, yanada aniq kontrastni ta’minlaydi. Dynamic Action Sync esa ro‘y berayotgan voqealarga tezroq reaksiya qilish imkonini berib, kirishning kechikishini minimallashtiradi. O‘yinchilar do‘stona grafik interfeys tufayli turli o‘yinlar va jarayondagi maksimal qulaylik uchun rejimlarni osonlik bilan sozlay olishadi. Hech qanday vint yoki asboblarsiz o‘rnatiladigan monitor jihozi esa minimal harakatlar bilan balandlik va burilish burchagini boshqarishga imkon beradi.
27 dyuymli GK seriyali monitor (model 27GK750F) ham geympleyning mislsiz darajada silliq kechishini ta’minlaydi. Nisbatan ixcham model 240 Gts darajasidagi kadrlarning yangilanish chastotasi va Motion Blur Reduction funksiyasining 1 ms darajasidagi tasvirning xiralashishini bartaraf qilish, shuningdek, AMDFreeSync™ texnologiyasini qo‘llab-quvvatlashi kabi xususiyatlari bilan o‘yinchilarning barcha ehtiyojlarini qondirish va ularning g‘alaba qilish imkonlarini oshirish uchun yaratilgan. Black Stabilizer, Dynamic Action Sync Crosshair funksiyalari esa o‘yin taassurotlarini boshqa monitorlar uddasidan chiqa olmaydigan darajada oshirish imkonini beradi.
LG kompaniyasi IFA 2017 ko‘rgazmasida, shuningdek, ekranda bo‘layotgan voqealarga maksimal kirishish imkonini beruvchi 34 dyuymli (model 34UC89G) va tomonlar nisbati 21:9 bo‘lgan birinchi Ultra Wides o‘yin monitorini ham taqdim etadi. Model, shuningdek, NVIDIAG-Sync texnologiyasi va 144 Gts darajasidagi kadrlarning yangilanish chastotasini qo‘llab-quvvatlaydi va foydalanuvchilarning har qanday janrdagi o‘yindan oladigan taassurotlarini kuchaytiradi.
“Geymerlar uchun imkon doirasidagi eng yaxshi platformani ishlab chiqishga yo‘naltirilgan sa’y-harakatlarimiz bizga IFA ko‘rgazmasida namoyish etadigan ushbu ajoyib yangi monitorlarni yaratishga olib keldi, — deydi LG Electronics kompaniyasining AT-bo‘limi vitse-prezidenti Jang Ik Xvan. — Berlindagi IFA ko‘rgazmasida LG kompaniyasi stendi ziyoratchilari bu ajoyib o‘yin monitorlarini birinchi bo‘lib sinovdan o‘tkazish imkoniga ega bo‘lishadi. Ishonchimiz komilki, o‘yinchilar geympleydagi farqni sezishadi, biz ularning o‘yindagi yangi fantastik modellarni sinab ko‘rayotganlaridagi reaksiyalarini kuzatishni sabrsizlik bilan kutmoqdamiz".
*Natijalar o‘rnatilgan videokarta va o‘yin tanloviga qarab farqlanishi mumkin.
Reklama huquqi asosida!
Izoh (0)