Xitoyda avtomobilni qo‘yish qoidalarini muntazam buzib kelgan ayol antiqa usul bilan jazolandi. Bu haqda “Motor” xabar bermoqda.
Ayol bunga tegishli ruxsati bo‘lmagan holda Bensi shahridagi turar-joy kompleksi hududida mashinasi qoldirib kelayotgandi. Bir gal u avtomobilini 38 soatga tashlab ketdi va buning uchun jarimaga tortildi. Biroq to‘lov amalga oshirilmadi.
Parking qo‘riqchilarining qoidabuzar bilan mojarolari naf bermadi, ayol joydan noqonuniy foydalanishda davom etaverdi. U chiqish yo‘lini to‘sib qo‘yib, yana mashinasini parkingga qo‘yganida toqati-toq bo‘lgan turar-joy kompleksini boshqaruvchi kompaniya kran chaqirib, avtomobilni hududdagi imorat tomiga chiqarib qo‘ydi.
Shu kuni kechroq kran yana keltirildi va avtomobilni yerga olib tushdi. Uni qoidabuzarning o‘zi chaqirganmi yoki boshqaruvchi kompaniya hovuridan tushgan, bunga aniqlik kiritilmadi.
Izoh (0)