Volkswagen kompaniyasi Crafter furgoni asosida yaratilgan ikki qavatli g‘ildirakli uy haqida batafsil ma’lumot berdi. Avtomobil avgust oyining boshida taqdm etilgan bo‘lib, uning rasmiy taqdimoti 26-avgustda Germaniyaning Dyusseldorf shahridagi ko‘rgazmada bo‘lib o‘tdi. Bu haqda “Motor” xabar berdi.
California XXL deb nomlangan yangi avtomobilning gabarit uzunligi 5986 millimetr, eni — 2030 millimetr, balandligi esa 2900 millimetrni tashkil qiladi.
G‘ildirakli uyning oshxonasida rakovina, bir metrli yig‘iladigan stol, gaz plitasi va 50 litrli sovutgich va to‘rt litrli muzlatgich bor. Shuningdek, avtomobilda dush, hojatxona, suv isitgich, uning birinchi qavatida yotoq joy, ikkinchi qavatida katta karavot bor. Suv bakining hajmi 140 litr, gazniki — 37 litr, chiqindilar uchun mo‘ljallangan idishning hajmi esa 90 litrni tashkil qiladi.
Birinchi qavatdagi karavot yig‘iladi, u ventilyatsiya tizimi yordamida isitilishi yoki sovutilishi mumkin. uning uzunligi ikki metrni, eni esa 1,7 metrni tashkil qiladi. Tepada panoramali tom, orqa qismida esa proyektor o‘rnatilgan. Salonda to‘qqizta rozetka, oltita USB port va sensor boshqaruvli atmosfera yoritgichi bor. Avtomobil tizimini smartfonlar va iPad uchun mo‘ljallangan dastur yordamida boshqarish mumkin.
Alohida isitish tizimi bilan jihozlangan ikkinchi qavatda ikki metrli karavot va panoramali tom bor.
G‘ildirakli uy to‘liq uzatma, 177 ot kuchiga ega dizel dvigateli bilan jihozlangan.
Izoh (0)