Britaniya politsiyasi tomonidan o‘tkazilgan maxfiy tekshiruv operatsiyasi chog‘ida terrorchilar mamlakat parlamenti binosini besh daqiqada egallashi mumkinligi aniqlandi. Bu haqda “Gazeta.ru” xabar bermoqda.
The Telegraph nashriga ko‘ra, operatsiya davomida jangarilar qiyofasidagi politsiya zobitlari parlament binosiga Temza daryosi tomonidan yaqinlashish uchun qayiqdan foydalandi. Shundan so‘ng ular ichkariga o‘tib, vakillar palatasini ishg‘ol qildi.
Bunday hujum parlament a’zolari orasida ko‘plab qurbonlar — yuz kishigacha halok bo‘lishiga olib kelishi mumkinligi bildirilmoqda.
Shu munosabat bilan politsiya parlament binosi xavfsizligini kuchaytirish bo‘yicha qator tavsiyalar tayyorladi. Jumladan, Temzada himoya to‘siqlari o‘rnatish taklif etilmoqda.
Izoh (0)