Toshkent viloyati prokuraturasi tomonidan Incanto Business MChJ mansabdor shaxslariga nisbatan tergov harakatlari o‘tkazilmoqda. Bu haqda prokuratura matbuot xizmati xabar berdi.
Jinoyat ishi hujjatlariga ko‘ra, jamiyat rahbari A. Ahmatov 2016-yilda eksport qilingan 40 milliard so‘mlik qishloq xo‘jaligi mahsulotlari va aholiga naqd pulga realizatsiya qilingan 2,8 milliard so‘mlik xo‘jalik mahsulotlari bo‘yicha tushumni yashirib, 2 milliard so‘m miqdordagi soliq to‘lovlarini to‘lashdan qasddan bo‘yin tovlab, davlat manfaatlariga juda ko‘p miqdorda zarar keltirgan.
Tergov davomida olib borilgan tushuntirish ishlari natijasida A. Ahmatov tomonidan ixtiyoriy ravishda naqd pul shaklida 1,5 milliard so‘m pul mablag‘lari va qiymati 400 million so‘mlik avtotransport vositalari davlat foydasiga topshirilib, jinoyat oqibatida yetkazilgan zararning asosiy qismi qoplanganligi sababli, unga nisbatan garov ehtiyot chorasi qo‘llanildi.
Izoh (0)