Toshkent shahar Ichki ishlar bosh boshqarmasi o‘z saytida berilgan “kiyinishidan viloyatliklarga o‘xshash” shaxs haqidagi xabar yuzasidan bayonot berdi.
Mavzuga doir: “Yaxshi kiyingan viloyatlik”. Toshkent IIBBning fotomateriali ijtimoiy tarmoqlarda keskin norozilikka sabab bo‘ldi
Toshkent shahar IIBB rasmiy saytida chiqqan xabar turli internet saytlar tomonidan havola berib tarqatildi va gumondorlardan biriga ta’rif berishda “viloyatlik shaxslarga o‘xshash” atamasi odamlar orasida e’tiroz keltirib chiqargani ma’lum bo‘ldi.Shuni ma’lum qilamizki, Toshkent shahar Ichki ishlar bosh boshqarmasi tomonidan yurtimiz fuqarolari bunday atama bilan toifalanmaydi, bunday holat xabarni tayyorlagan xodimning e’tiborsizligi tufayligina kelib chiqqan.
Buni hech qanday g‘araz maqsad emas, shunchaki tushunmovchilik sifatida qabul qilinishini so‘rar edik.
Xodimga nisbatan tushuntirish ishlari olib borildi va kelgusida bunday xatoga yo‘l qo‘yilmasligini bildirib o‘tamiz.
Toshkent shahar IIBB bayonotidan
Izoh (0)