Yaqinda to‘ylarni tartibga solish bo‘yicha Nukus shahar hokimining farmoyishi tasdiqlandi. Bu haqda Qoraqalpog‘iston xabar agentligiga tayanib, “Qoraqalpog‘iston yangiliklari” xabar bermoqda.
Farmoyishga asosan:
— Nukus shahri hududida barcha to‘y marosimlarini isrofgarchilikka yo‘l qo‘ymay, ortiqcha dabdabasiz o‘tkazish, yoshlar sayli o‘tkaziladigan obyektlarda, xususan Mungli ona, Mirzo Ulug‘bek, Ajiniyaz xotira maydonlari va shahar FHDYo bo‘limi atrofi, “Istiqlol” bolalar dam olish markazida tartib-intizomli, tozalikni saqlash va shahar hududida yo‘l-transport hodisalari oldini olish;
— Makon fuqarolar yig‘inlari raislari bilan birgalikda mahallalarda targ‘ibot ishlarini olib borish;
— Nukus shahri hududida yo‘l-transport hodisalarining keskin ko‘payib ketishi, ularning oldini olishga qaratilgan choralarga qaramay, shahar hududidagi ko‘chalarda yo‘l-transport harakati qoidalarini qo‘pol ravishda buzayotgan va shu transport hodisalarining ko‘pchiligi to‘ylardagi yoshlar sayllarida (gulyanka) guruh bo‘lib harakatlanib, mast holda transport boshqarganligi sababli kelib chiqayotganini hisobga olgan holda maxsus reydlar tashkillashtirish;
— to‘y marosimlarida yoshlar sayli kelin-kuyov avtomashinasidan tashqari 4 avtomashinadan ortiq bo‘lmasligini nazoratga olish belgilandi.
Izoh (0)