Sherzod Qudratxo‘jayev: Xalqaro press-klub o‘z faoliyatini davom ettiradi

Ba’zi OAVlarda Xalqaro press-klub faoliyatini tugatgani haqida gap-so‘zlar tarqalgach, “Daryo” nashri press-klub rahbari Sherzod Qudratxo‘jayev bilan bog‘landi.

U bunday mish-mishlarga shunday izoh berdi: “Xalqaro press-klub o‘z faoliyatini tugatgani haqidagi xabarlar haqiqatga to‘g‘ri kelmaydi. Press-klub o‘z rejasi bo‘yicha ishlashda davom etadi, ammo ba’zi texnik sabablarga ko‘ra, hozircha to‘g‘ridan-to‘g‘ri efirga chiqishi to‘xtatilgan”.