Krasnodar o‘lkasida bortida bir kishi bo‘lgan yengil motorli vertolyot halokatga uchradi. Bu haqda Rossiya Tergov qo‘mitasi transport bo‘yicha janubiy tergov boshqarmasi saytida xabar berildi.
Dastlabki ma’lumotlarga ko‘ra, 21-avgust, dushanba kuni 21:30 atrofida Robinson R66 vertolyoti Anapa tumanining Maliy Utrish posyolkasi Yojik tog‘i hududida halokatga uchragan.
Havo kemasi bortida bir kishi — uchuvchi bo‘lgan. Vertolyot Anapa—Abrau-Dyurso yo‘nalishi bo‘yicha ro‘yxatdan o‘tgan edi.
Yuz bergan hodisa bilan bog‘liq barcha vaziyatlarni aniqlashga qaratilgan tekshiruv tadbirlari o‘tkazilmoqda.
Izoh (0)