Samarqand shahri hamda viloyatning bir qancha tumanlari hokimlari o‘zgardi

Samarqand viloyatida bir qancha tumanlar hamda markaz — Samarqand shahri hokimi o‘zgartirildi. Qarorlar 21-avgust kuni xalq deputatlari viloyat kengashi yig‘ilishida tasdiqlandi, deb xabar beradi “Gazeta.uz”.

Jumladan, Bulung‘ur tumanining sobiq hokimi Furqat Rahimov Vohid Rahimov o‘rniga Samarqand hokimi etib tayinlandi. Vohid Rahimov, o‘z navbatida, Paxtachi tumani rahbariga aylandi.

Bahodir Bahromov Bulung‘ur tumani hokimi bo‘ldi. Muqaddam u Samarqad IBB boshlig‘i vazifasini bajarib kelayotgan edi.

Samarqand tumani hokimi etib mansabidan ozod etilgan Botir Qodirov o‘rniga Shuhrat Jamolov tayinlandi. Ilgari u Davlat soliq qo‘mitasi qoshidagi Respublika axborot-konsultatsion markazi mintaqaviy bo‘linmasi boshlig‘i o‘rinbosari bo‘lib ishlayotgan edi.

Tayloq tumani hokimi lavozimini Po‘lat Ahmedov o‘rniga Bahodir Sa’dullayev egalladi. Bunga qadar u Kattaqo‘rg‘on tumani hokimi edi, 2003–2013-yillarda esa Samarqand tumani hokimi bo‘lgan.

“O‘zpaxtayog‘” kompaniyasi tarkibiga kiruvchi “MT-Invest Impeks” kompaniyasi rahbari Muzaffar Hoshimov Kattaqo‘rg‘on tumanining yangi hokimi bo‘ldi. Samarqand shahri hamda viloyatning bir qancha tumanlari hokimlari o‘zgardi

Samarqand viloyatida bir qancha tumanlar hamda markaz — Samarqand shahri hokimi o‘zgartirildi. Qarorlar 21-avgust kuni xalq deputatlari viloyat kengashi yig‘ilishida tasdiqlandi, deb xabar beradi “Gazeta.uz”.

Jumladan, Bulung‘ur tumanining sobiq hokimi Furqat Rahimov Vohid Rahimov o‘rniga Samarqand hokimi etib tayinlandi. Vohid Rahimov, o‘z navbatida, Paxtachi tumani rahbariga aylandi.

Bahodir Bahromov Bulung‘ur tumani hokimi bo‘ldi. Muqaddam u Samarqad IBB boshlig‘i vazifasini bajarib kelayotgan edi.

Samarqand tumani hokimi etib mansabidan ozod etilgan Botir Qodirov o‘rniga Shuhrat Jamolov tayinlandi. Ilgari u Davlat soliq qo‘mitasi qoshidagi Respublika axborot-konsultatsion markazi mintaqaviy bo‘linmasi boshlig‘i o‘rinbosari bo‘lib ishlayotgan edi.

Tayloq tumani hokimi lavozimini Po‘lat Ahmedov o‘rniga Bahodir Sa’dullayev egalladi. Bunga qadar u Kattaqo‘rg‘on tumani hokimi edi, 2003–2013-yillarda esa Samarqand tumani hokimi bo‘lgan.

“O‘zpaxtayog‘” kompaniyasi tarkibiga kiruvchi “MT-Invest Impeks” kompaniyasi rahbari Muzaffar Hoshimov Kattaqo‘rg‘on tumanining yangi hokimi bo‘ldi.