Inflatsiya atamasini va uning AQSh dollariga ta’sirini tushunish uchun iqtisodchi bo‘lish shart emas. Vaqt o‘tishi bilan mahsulot va xizmatlar qimmatlashib boradi. Inflatsiyaga yaqqol misol sifatida vaqt o‘tgan sari ma’lum summaga sotib olish mumkin bo‘lgan mahsulot va xizmatlarni ko‘rsatish mumkin. Forum Daily 1000 dollarga AQSh bozorida 100 yil avval va bugungi kunda sotib olish mumkin bo‘lgan narsalarga misollar keltirdi.
1915-yil, Steinway & Sons Model B fortepianosi
Model B 1915-yilda 1100 dollarga sotilgan bo‘lsa, bugungi kunda uning narxi 106 500 dollarga baholanadi.
1915-yil, o‘rtacha sedan
Iste’mol narxlari indeksiga ko‘ra, 1917-yilda mashinalarning o‘rtacha narxi 1084 dollar bo‘lgan.
1915—1920-yillar, Sears Greenview
Sears kompaniyasi arxivlariga ko‘ra, 1915—1920-yillarda shahar chekkasida joylashgan to‘rt xonali uyni 1152 dollarga sotib olish mumkin bo‘lgan.
1955-yil, Chanel Flap’ning 5 ta klassik sumkasi
1955-yilda bir donasi 220 dollar turgan Chanel sumkasi bugungi kunda 4900 dollarga sotilmoqda.
1945—1979-yillar, universitetda ta’lim
O‘sha yillarda xususiy universitetlarda o‘qish narxi 1200 dollar bo‘lgan. Bugungi kunda to‘rt yillik xususiy notijorat universitetda o‘qish, to‘lovlar, yashash va ovqatlanish uchun bir yilda 45 370 dollar to‘lash kerak bo‘ladi.
1966-yil, 25 dyumli Admiral rangli televizori ovoz kuchaytirish qurilmasi va radio bilan birga
1966-yilda amerikaliklar uchun 995 dollarga tushgan Admiral rangli televizori 2017-yilning yanvar oyida 7600 dollarga baholangan.
1983-yil, Berkshire Hathaway aksiyalari
Uorren Baffet har bir aksiya uchun 11,5 dollar to‘laganidan 20 yil o‘tmasdan, ya’ni 1983-yilning sentabrida Berkshire Hathaway aksiyasi 1035 dollar turgan. 2017-yilning iyul oyi oxirida investorlar kompaniyaning bir hissasi uchun 259 000 dollar to‘lagan.
2007-yil, Apple iMac
2007-yilda Apple tomonidan taqdim etilgan iMac kompyuteri 1199 dollardan sotila boshlangan. Hozirda uning narxi 1299 dollarga teng.
Izoh (0)