O‘zbekiston bozorlari va do‘konlaridagi rastalarda yana Rossiyaning Tyumen viloyatidan keltiriladigan kartoshkalar joy olishi kutilmoqda. Bu haqda “O‘zbekiston24” xabar berdi.
Tyumen viloyati axborot xizmatiga ko‘ra, “KRiMM” agrofirmasi O‘zbekistonga yana bir turkum sabzavotlarni eksport qiladi. Hozirda agrofirmada qo‘l mehnati bilan qadoqlash ishlari boshlab yuborilgan, chunki texnika kartoshka navlariga ziyon yetkazishi mumkin.
Ma’lumot uchun, joriy yil bahor faslida O‘zbekistonga 600 tonna “Rozara” va “Red Skarlet” nomli kartoshka navlari olib kelingandi.
Izoh (0)