AQSh prezidenti turmush o‘rtog‘i Melaniya Trampning faxriy raisligidagi nafis san’atlar bo‘yicha prezidentlik qo‘mitasi a’zolari iste’foga chiqishini ma’lum qildi. Bu haqda “TASS” xabar bermoqda.
“Sizning nafratni targ‘ib etuvchi guruhlar, Sharlotsvillda hamyurtlarini o‘ldirgan, yaralagan terrorchilarni qo‘llab-quvvatlashingiz ta’na va keskin qoralashga loyiq. O‘zini boshqalardan yuqori qo‘yish, kamsitish va adovat Amerika qadriyatlari emas. Biz bundan yuqori turishimiz kerak va chindan ham yuqorimiz. Agar bu tushunarli bo‘lmasa, sizni ham lavozimingizni tark etishga chaqiramiz”, — deyiladi qo‘mita bayonotida.
Madaniyat va nafis san’atlar bo‘yicha qo‘mita 1982-yili, prezident Ronald Reygan davrida Oq uyga madaniyat masalalari yuzasidan tavsiyalar berish uchun tuzilgandi.
Izoh (0)