Telegram’da Qo‘yliq bozoriga o‘rnatilgan naqd pul beradigan bankomat oldida yuzaga kelgan katta navbatning videosi paydo bo‘ldi.
Video muallifi militsiya xodimining navbatda turganlarni tartibga chaqirishiga munosabat bildirarkan: “Mana shunaqa urush-janjallar ham bo‘lib turibdi”, — deb izoh bergan.
11-avgust kuni Xalq banki tomonidan Toshkentdagi Oloy, Yunusobod va Qo‘yliq bozorlariga plastik kartadagi pulni naqdlashtirib beruvchi bankomatlar o‘rnatilgan edi.
Bankomatlar 14-avgust, dushanba kunidan ishga tushdi. Har bir kartadan 100 ming so‘mgacha pul yechib olish mumkin. Mablag‘ 1 000, 5 000 va 10 000 so‘m bo‘lgan kupyuralarda beriladi.
Bankomatlar soat 9:00 dan 18:00 gacha ishlaydi. Kun davomida o‘rtacha 200—300 kishi pullarini naqdlashtirib olishi mumkin.
Izoh (0)