Soliq va moliya organlari rahbarlariga ustama va jarimalar miqdori belgilandi

O‘zbekiston Prezidentining farmoni bilan Soliq va moliya organlari rahbarlarini moddiy rag‘batlantirish va ularning mas’uliyatini oshirish uchun faoliyatni baholash tartibi to‘g‘risidagi nizom tasdiqlandi, deb yozadi Norma.

Hujjatga muvofiq moddiy rag‘batlantirish yoki intizomiy jazo qo‘llash uchun faoliyatni baholash mezonlari belgilandi.

Ushbu mezonlar bor-yo‘qligiga qarab, tegishli miqdorda rag‘batlantirish yoki jarima belgilash masalasi hal qilinadi.

Uchta mezonning barchasi bajarilgan taqdirda, lavozim maoshiga 20 foiz, ikkitasi bajarilsa, 10 foiz ustama haqi tayinlanadi.

Aksincha, uchta mezonning hech biri bajarilmagan taqdirda, lavozim maoshining 20 foizi, ikkitasi bajarilmasa, 10 foizi miqdorida jarima tayinlanadi.