Ukraina prezidenti Pyotr Poroshenko mamlakatda ishlab chiqarilgan raketa dvigatellarining Shimoliy Koreyaga yetkazib berilishi bilan bog‘liq xabarlarni tekshirishni tegishli tashkilotlarga topshirdi. Bu haqda davlat rahbari Facebook’dagi sahifasi orqali ma’lum qildi.
“Ukrainaga qo‘yilayotgan ayblovlar qanchalik ahmoqona bo‘lmasin, mas’uliyatli hamkorlar sifatida biz New York Times nashri tomonidan chop etilgan raketa dvigatellari va boshqa texnologiyalarning Shimoliy Koreyaga yetkazilishi borasidagi xabarlarni tekshirishimiz lozim”, — deb yozdi davlat rahbari.
Ilgariroq AQSh matbuotida Ukrainadan KXDRga raketa qismlari yuborilgani haqida xabarlar tarqalgan edi.
Bunga javob berarkan, Poroshenko Ukraina yadroviy qurol tarqatmaslik kelishuviga sodiqligini bildirib o‘tdi.
Izoh (0)