Madagaskar
Ushbu orol davlatning asosiy daromadi qishloq xo‘jaligi mahsulotlaridan. Sotiladigan barcha yangi mashinalar poytaxt Antananarivuga to‘g‘ri keladi. Reytingga Toyota Hilux va Land Cruiser boshchilik qilsa, ulardan keyin Hyundai va Mitsubishi turadi. Yildan yilga Renault Sandero’ning sotilishi yaxshi tomonga o‘zgarmoqda.
Malavi
O‘tgan yilda Malavida 1743 ta yangi avtomobil ro‘yxatdan o‘tgan. Ularning asosiy qismini — 814 tasini Toyota tashkil etadi. Shundan 360 tasi Hilux pikaplari. Ikkinchi o‘rinda “Kruzak” modeli bo‘lsa, uchlikka Ford Ranger modeli yakun yasaydi.
Niger Respublikasi
Ushbu mamlakatdagi avtomobillarning beshtadan uchtasi Toyota markasidagi mashinalarga to‘g‘ri keladi, ayniqsa bu yerdagilarga Corolla modeli ko‘proq ma’qul. U Hilux va Land Cruiser’dan ko‘proq sotiladi.
Zimbabve
Zimbabvedagi yangi avtomobillar bozorining asosiy qismini General Motors konserni mashinalari tashkil etadi, biroq sotilishi bo‘yicha Isuzu KB pikapi mutloq yetakchi.
Eritreya
Eritreya taksichilari Kia Rio va eskirgan Hyundai Accent’dan foydalanishni ma’qul ko‘rishadi. Shunga qaramay mamlakatda yangi avtomobillar sotuviga Toyota Corolla yetakchilik qilib kelmoqda. Undan keyingi pog‘onada Hilux joylashgan.
Kongo Demokratik Respublikasi
Mamlakatda yangi avtomobillar juda kam paydo bo‘lib turadi — ularning asosiy qismi tinchlikparvar missiyalarga yoki diplomatlarga tegishli. Bu yerda yangi mashinalar ro‘yxatidan tez-tez Toyota Land Cruiser Prado va Hilux o‘rin egallab turadi. Shuningdek, Isuzu D-Max va Nissan X-Trail’ga ham talab bor.
Izoh (0)