Yunusobod tumani sobiq hokimi Olmaliq shahriga rahbar etib tayinlandi

Poytaxtning Yunusobod tumani hokimi Miragzam Mirqosimov Olmaliq shahri hokimi lavozimiga tayinlandi, deb yozadi UZ24 viloyat hokimligi saytiga tayanib.

Mirqosimov joriy yilning mart oyida Yunusobod tumani hokimligidan ketgan edi.

Nashr eslatishicha, Shavkat Mirziyoyev 11-avgust kuni Olmaliq shahriga tashrifi chog‘ida shahar hokimi va boshqa rahbarlarini ishdan bo‘shatdi.