Bugun,

  • USD 11095.31
  • RUB 173.84
  • EUR 10772.44

San Francisco Chronicle nashri 35 millionlik mega-hovlilar joylashgan Presidio Terras ko‘chasining Tina Lem va Maykl Chen tomonidan sotib olinishi bilan bog‘liq voqea haqida hikoya qildi, deb yozadi InsiderPro.

San-Fransisko munitsipaliteti soliqlardan qarzlari tufayli ko‘chani sotuvga qo‘ydi, biroq bu haqda badavlat uy sohiblarini xabardor etmadi. Kremniy vodiysi muhandisi Lem va ko‘chmas mulklar bo‘yicha agent Chen ko‘cha, yo‘laklar va umumiy foydalanishdagi boshqa obyektlarni 90 ming dollarga xarid qildi.

Hozirgi paytda aholi va ko‘cha egalari o‘rtasidagi mojaro ayni avjida — juftlik 120 ta mashinalar to‘xtash joyidan foydalanish uchun ijara to‘lovi talab qilmoqda. Uy egalari assotsiatsiyasi juftlik va shahar ustidan sudga da’vo kiritdi.

Keling, Presidio Terras ko‘chasi nimalarni o‘z ichiga olishini ko‘rib chiqamiz.

Presidio Terras San-Fransiskoning eng boy tumanlaridan biriga kiradi.

Foto: InsiderPro

Foto: InsiderPro

Bu kvartalga teng oval shaklidagi ko‘chadir. Uni bu yerda kamida 1905-yildan buyon istiqomat qilib kelayotgan uy egalari boshqaradi.

Foto: InsiderPro

Foto: InsiderPro

Uzoq yillar davomida bu yerga Kaliforniyaning eng boy va nufuzli siyosatchilari ko‘chib kelib joylashgan. Bunga hududning boshqa joylardan ajratilganligi va xavfsizlik darajasining yuqori ekanligi sabab bo‘lgan.

Foto: InsiderPro

Foto: InsiderPro

Shaxsiy qo‘riqchining ruxsatisiz hech kim ichkariga kira olmaydi. Black Bear Security Services kiyimidagi xavfsizlik xizmati ofitseri tun-u kun tosh darvozalarda navbatchilik qiladi.

Foto: InsiderPro

Foto: InsiderPro

Presidio Terrasga uning panjarali devori ortidan nazar solishga urinib ko‘ramiz.

Foto: InsiderPro

Foto: InsiderPro

Burchakda Tyudorlar uslubidagi dang‘illama hovli joylashgan. Avval u senator Dayenn Faynstayn va uning turmush o‘rtog‘i moliyachi Richard Blyumga tegishli bo‘lgan. 16 xonali uy 1909-yilda qurilgan.

Foto: InsiderPro

Foto: InsiderPro

Senator Faynstayn hashamatli hovlidan bir ko‘cha narida ulg‘aygan, biroq doim unga mahliyo bo‘lgan. 1985-yilda u oilaviy trast mablag‘iga uyni xarid qilgan.

Foto: InsiderPro

Foto: InsiderPro

Keyinchalik senator hovlini qizi, sudya Ketrin Faynstaynga bergan. U 2013-yilda uyni 9,5 million dollarga sotgan.

AQSh Vakillar palatasining sobiq spikeri Nensi Pelosi qachonlardir kolonial uslubdagi uyda yashagan. Unda ko‘p yillar davomida Demokratik partiya uchun mablag‘ to‘plash bo‘yicha tadbirlar o‘tkazilgan.

Foto: InsiderPro

Foto: InsiderPro

San-Fransisko grafligi reyestri uy oxirgi marta sohibini 1990-yilda almashtirganligini ko‘rsatadi. U xaridorga 2,7 million dollarga tushgan.

Daraxtlar ortidan arang ko‘zga tashlanayotgan oppoq bino San-Fransiskoning marhum meri Jozef Aliotoga qarashli bo‘lgan. Dang‘illama hovlida vanna xonalarining o‘zi oltita.

Foto: InsiderPro

Foto: InsiderPro

2013-yilda uy 9,5 million dollarga sotilgan.

Zillow agentligi ma’lumotiga ko‘ra, iyun oyida Presidio Xays tumanidagi ko‘chmas mulklar qiymati 5,1 million dollardan oshgan. Bu San-Fransiskodagi  uylar o‘rtacha narxidan to‘rt barobar yuqoridir.

Foto: InsiderPro

Foto: InsiderPro

Xonadon egalari uy sohiblari assotsiatsiyasiga yillik to‘lovlarni amalga oshiradi. 2013-yilda u har bir uy uchun 3 410 dollarni tashkil etgan.

Foto: InsiderPro

Foto: InsiderPro

Assotsiatsiya o‘ttiz yil davomida yiliga 14 dollarlik ko‘chmas mulk uchun soliqni to‘lamagan. Uning vakillari shahar hisoblarni eskirgan manzilga jo‘natganligi, oqibatda nafaqat to‘lanmagan soliqlar, balki jarima va penyalar ham to‘planib qolganligini ta’kidlamoqda.

2015-yilda shahar Soliq-moliya boshqarmasi yetkazilgan zarar o‘rnini qoplashga qaror qildi. U 994 dollar soliqlar, jarima va foizlarni qaytarish maqsadida ko‘chani onlayn-kimoshdi savdosiga qo‘ydi.

Foto: InsiderPro

Foto: InsiderPro

Ko‘chaga VMware kompaniyasi mahsulotlari lineykasi menejeri Lem va badavlat mijozlar bilan ishlashga ixtisoslashgan ko‘chmas mulk agenti Chen qiziqib qoldi.

Foto: InsiderPro

Foto: InsiderPro

Aslida san-xoselik juftlik 90 ming dollariga juda ko‘p narsani qo‘lga kiritmadi.

Foto: InsiderPro

Foto: InsiderPro

Tosh darvoza oldidagi palmalar va boshqa o‘simliklar endi ularga tegishli...

Foto: InsiderPro

Foto: InsiderPro

... yo‘laklar va ajoyib tarzda tartibga keltirilgan gazonlar.

Foto: InsiderPro

Foto: InsiderPro

Bundan tashqari, kvartalni o‘rab turgan tosh devor ham ularning mulkiga kiradi.

Foto: InsiderPro

Foto: InsiderPro

Shuningdek, Presidio Terrasni boshqa ko‘chalardan ajratib turuvchi devor ham.

Foto: InsiderPro

Foto: InsiderPro

Juftlik kvartalning badavlat aholisidan avtomobillar to‘xtash joyi uchun to‘lov undirishni rejalashtirmoqda. Biroq aholi bundan norozi. Ko‘cha sotilganidan buyon ikki yildan ortiq vaqt o‘tdi, biroq ko‘pchilik bu haqda may oyidagina xabar topdi.

Foto: InsiderPro

Foto: InsiderPro

“Bu kabi voqea yuz berishi mumkinligidan xabar topganimda hayratga tushdim. Istalgan odam vaziyatdan foydalanib ko‘cha va yo‘laklarimizni sotib olishi mumkinligidan chuqur tashvishdaman”, — deydi uy egalaridan biri.

Foto: InsiderPro

Foto: InsiderPro

O‘z navbatida, Chen ularning shunchaki omadi chopganligini ta’kidlaydi.

Izoh
Asosiy yangiliklar
Dunyo
Turkiyadagi zilzila ortidan yana 6 ta davlatda yer qimirlashi yuz berdi (video)
Mahalliy
Shavkat Mirziyoyev va Rajab Toyyib Erdo‘g‘on telefon orqali muloqot qildi
Mahalliy
O‘zbekistonda dollar kursi yana oshdi