Amerikalik bir necha respublikachi senator Virginiyaning Sharlotsvill shahridagi voqealarga o‘zi baholarini berdi. Bu haqda “RIA Novosti” xabar qildi.
“Avtomobil qasddan namoyishchilar olomoniga urilgani aks etgan dahshatli videoni ko‘rganimdan so‘ng adliya vazirligini bu ichki terrorchilik aktini sud tartibida ta’qibga olishga chaqiraman”, — deb yozdi senator Ted Kruz Facebook’dagi sahifasida.
O‘z navbatida, senator Marko Rubio ushbu voqeani oq irq ustunligi tarafdorlari uyushtirgan terakt deb baholadi.
Eslatib o‘tamiz, Sharlotsvillda millatchilar namoyishi davom etmoqda. Millatchilik tarafdorlari va dushmanlari o‘rtasida to‘qnashuvlar yuzaga kelmoqda. Shu paytga qadar uch kishi hibsga olindi. Namoyishchilar ustiga mashina haydagan 20 yoshli Aleks Fildsga nisbatan ayblov ilgari surildi.
Izoh (0)