Saakashvili Vengriyaga yetib keldi

Gruziyalik va ukrainalik siyosatchi Mixail Saakashvili Litvadan so‘ng Vengriyaga yo‘l oldi. U Vengriyada tushgan fotosuratini Facebook’dagi sahifasiga joyladi.

“Oilam bilan Balaton ko‘liga yo‘l oldik. Vengriya qiroli Andrash va uning rafiqasi, ukrainalik malika Anastasiya yodgorligi oldida”, — deb suratga izoh berdi u.

3-avgust kuni siyosatchi Ukraina fuqaroligidan mahrum qilingan edi.

8-avgust kuni Saakashvili Vilnyusga keldi va u yerda Litva fuqaroligiga da’vo qilmasligini, balki Ukrainadagi kurashini davom ettirishini aytdi.