Rossiyaning Kaliningrad viloyati fuqarosi ishga joylashish vaqtida 2004-yildan buyon vafot etganlar ro‘yxatida turishidan xabar topdi, deb yozadi “Vesti.ru”.
Bu vaqt ichida erkak uylanib, farzandli bo‘lishga va haydovchilik guvohnomasini olishga ulgurgan. Vaziyatga oydinlik kiritishda mahalliy prokuratura yordam berdi.
Prokuraturaga 41 yoshli erkak murojaat qilib, uning Rossiya Pensiya jamg‘armasidagi shaxsiy hisobi 13 yil avval FHDYoning uning o‘limi haqidagi dalolatnomasi asosida yopilganini ma’lum qilgan.
Aniqlanishicha, 2004-yilda Kaliningrad kasalxonasida shaxsini tasdiqlovchi hujjati bo‘lmagan erkak vafot etgan, u muassasaga kelib tushgan vaqtida o‘zi haqida arizachining ma’lumotlariga mos keladigan ma’lumotlarni taqdim etgan.
Izoh (0)