Amerikalik basketbolchi vertolyotdan basketbol savatiga to‘p tashladi (video)

Harlem Globetrotters amerika basketbol jamoasi basketbolchilaridan biri vertolyotdan savatga to‘p tashladi. Urinish aks etgan video jamoaning YouTube’dagi kanaliga joylandi.

AQShning Nyu-Jersi shtatidagi Vaylvud shahri plyaji yaqinida vertolyot 64 metr balandlikka ko‘tarildi. Bu balandlikdan sportchi muvaffaqiyatli urinishni amalga oshirdi.

Harlem Globetrotters jamoasi o‘z chiqishlarida sport, teatr shousi va komediya elementlarini birlashtiradi.