Turkiyada rossiyalik erkak AQSh samolyotini urib tushirishga urinishda ayblanib ushlandi

Turkiya huquq-tartibot organlari Rossiya fuqarosi Renat Bakiyevni terrorchilikda gumon qilib ushladi. Bu haqda Meduza xabar bermoqda.

Aytilishicha, Bakiyev dron yordamida Turkiyaning Injirlik aviabazasida turgan AQSh harbiy-havo kuchlari samolyotlaridan birini urib tushirishni rejalashtirgan.

Ma’lum bo‘lishicha, maxsus xizmatlar agentlari uning ortidan bir necha oy davomida kuzatgan. Uning IShID bilan aloqadorligi bildirilmoqda.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.