Samsung Galaxy Note 8 taqdim etiladigan sana yaqinlashib borgani sari, ma’lumotlar yanada jadallik bilan tarqalmoqda, deb yozadi “Hi-tech.mail.ru”. Bu safar tarqalgan suratlarda bo‘lg‘usi flagman har tomondan aks etgan, shuningdek, ularda S Pen’ni ham ko‘rish mumkin.
Avval ma’lum qilinganidek, qurilmaning orqa tomonida 3 karra optik zumli qo‘sh kamera bo‘ladi. Bundan tashqari, mish-mishlarga ko‘ra, smartfonga 3300 mA/soat sig‘imli batareya o‘rnatiladi.
Old panelda 6,3 dyuymli Infinity Display ekrani bo‘lib, u Galaxy S8+ dan sal kattaroq (6,2). Ammo komplektdagi aynan S Pen Note 8 ni S8 dan chinakamiga farqlab turadi.
Stilus ko‘p ham o‘zgarmaganga o‘xshaydi, u hajmini biroz o‘zgartiradi va sezuvchanligini oshiradi.
Qurilma 23-avgust kuni taqdim etiladi va 15-sentabrdan qator mamlakatlarda sotuvga chiqadi.